Darelly Antersijn

Darelly Antersijn

Mi meta i mi logro
Komo èks alumno di Maris Stella SBO ta un honor pa mi, di por kompartí mi meta, eksperensia i logronan durante i despues di a bishita Maris Stella SBO.

Na Ougùstùs 2006 mi a kuminsá ku mi estudio riba nivel 4 den e área turismo na Maris Stella SBO. Mi a drenta Maris Stella SBO ku un meta, pa kaba e estudio di turismo den 4 aña. Esaki mi ker a logra pa despues mi drenta HBO opleiding na UNA.

Na Maris Stella SBO mi tabata sinti mi na kas. Maestro/a nan dinámiko ku hopi entusiasmo pa yuda mané bo bati na nan porta.
Mi a forma hopi amistat na e skol aki, tantu ku alumno nan meskos ku mi i maestro/a nan.
Ora mi pensa bek riba e temporada ei, un smail ta presentá riba mi kara. Hopi dushi skol i dushi temporada. Mi tin sigur ku tur mi otro koleganan ku tabata na skol e tempu ei lo ta sinti i pensa meskos ku mi.

Despues di 4 aña mi a kaba mi estudio na Maris Stella SBO Ku éksito. Aki mi tabata para na mitar kaminda pa mi soño di mas grandi ku ta bira yùfrou di skol.

Den Ougùstùs di e mesun aña(2010), mi a drenta opleiding na UNA.
Mi tabata para dilanti un reto nobo i mi soño di mas grandi ku ta bira yùfrou di skol.

Na komienso di e estudio mi a bolbe pone e mesun meta, pa kaba e estudio den nèt 4 aña.

Na universidat mi a bin topa ku un otro kultura i forma di studia. Tur kos tabata nobo pa mi. Mi a kambia di direkshon saliendo for di área di turismo na SBO i drenta área di enseñansa na HBO. Pero ta esaki mi tabata ke i mi a bai pe.
Ku hopi lucha i perseveransha mi a logra pasa e promé aña na universidat. Despues ku mi a pasa e promé aña mi a kustumá ku e kultura i forma di studia. Kada bes mi tabata keda kòrda mi mes riba e meta ku mi ta tin.
E sobra aña nan ta tin kontratempunan ku mi a superá danki na mi perseveransha, fe i gana di logra. Despues di 4 aña mi a finalisá mi estudio pa maestra ku éksito.

Huntu ku mi perseveransha tambe mi ta tin i tin hopi fe den Dios. Mi tin ku bisa ku si no ta pa Dios, awe lo mi no a kaba mi estudio den 4 aña.

Na tur mi a studia 8 aña tras di otro. Bibando solamente ku lo básiko. Esaki tabata e motibu dikon mi mester a kaba tur 2 estudio den nèt e 4 aña nan ku ta pone pa kaba. Kòrdando tur dia ku e esfuerso aki lo kosecha fruta mayan ku Dios ke.

Ku e palabra nan aki mi ke kurashá tur studiante di pone metanan den bida i bai tur ku tin pe. Paso awe te dia ku ami por bisa ku mi ta kosechando fruta di tur e esfuersonan hasi durante 8 aña.

Additional Info

  • Naam: Darelly Antersijn
  • Studie: Toerisme Middenkader Functionaris
  • Social media:

Maris Stella SBO

Maris Stella SBO is een instelling waar in een veilige omgeving kwalitatief en innovatief onderwijs op diverse niveaus aangeboden wordt.

Maris Stella SBO is actief op social media. Volg ons op social media.

CONTACT

Voor meer informatie kunt u terecht met ons contact opnemen.

Address : Grebbelinieweg 62, Willemstad, Curacao

Telefoon: +(5999)4650808